烙印模

終於買到啦~~~~

類似的烙印器, 好耐之前曾經在吉之島10蚊店見過, 但當時無買, 好後悔呀   到想買時, 走過上海街, 行過無數次10蚊店, 都搵唔到, 失望....  所以最後都放棄了。

但近來在Angel home的網誌見到原來Felissimo(日本雜貨郵寄訂購雜誌)有得訂, 就走去買本來睇。每個烙印要1000日元, 都很合理, 但要等差不多一個月, 才可收到貨, 加上除了個印外, 我無其他野想訂。於是, 星期六同大爺上去深圳廚安居碰下運氣! 結果, 嘻嘻 , 真係比我搵到!!!

仲有, 比我發現咗一樣野, 就係廚安居的烘焙貨品, 好多都係向三能無錫公司呢間製造商訂來的, 因為我發現佢工作人員拿住三能的產品小冊子, 還有他們賣的烙印器的圖案, 跟我在三能網頁上看到的是一模一樣哩 

如有興趣買, 可以先去這裡, 看看有沒有心水圖案, 才決定是否老遠走去深圳一趟!還有要一提, 當日我只見到某些款有得買, 不是每一款都在貨架上啊!所以也要碰點運氣

另外, 價錢方面, 是$115.30人民幣一個! 扺!!!